12-12-2024

BQU-da "Heydər Əliyev ideyaları yaşayır və yaşayacaqdır" mövzusunda elmi-praktik konfrans keçirildi

12 dekabr 2024-cü il tarixində Bakı Qızlar Universitetinin Tələbə Gənclər Təşkilatının təşkilatçılığı ilə ümummilli lider Heydər Əliyevin anım gününə həsr olunmuş "Heydər Əliyev ideyaları yaşayır və yaşayacaqdır" adlı elmi-praktik konfrans baş tutdu.

 Tədbir Bakı Qızlar Universitetinin rektoru, pedaqogika üzrə fəlsəfə doktoru Sevinc xanım Rəhimovanın çıxışı ilə başladı. Əvvəlcə ümummilli liderin əziz xatirəsi bir dəqiqəlik sükutla yad edildi.

Rektor öz çıxışında Heydər Əliyevin həyat yolu, xalqımız üçün göstərdiyi əvəzsiz xidmətlər, dövlətçilik fəaliyyəti və onun ideyalarının daim qəlbimizdə yaşayacağı barədə fikirlərini iştirakçıların diqqətinə çatdırdı.

Daha sonra Heydər Əliyevin zəngin həyat və fəaliyyətinə həsr olunmuş videoçarx nümayiş etdirildi.

Konfrans Bakı Qızlar Universitetinin “Pedaqogika” kafedrasının müdiri, professor Həsən Bayramovun çıxışı ilə davam etdi. O, Heydər Əliyevin dövlətçilik irsi və milli dəyərlərin qorunması istiqamətində gördüyü işləri ətraflı təhlil etdi. Tədbirdə universitetin tədris işləri üzrə prorektoru, prof. Hava xanım Abdullayeva və “Tarix” kafedrasının dosenti Vidadi Umudlu da çıxış edərək, Heydər Əliyevin ideyalarının yaşadılması və gələcək nəsillərə ötürülməsinin əhəmiyyətini vurğuladılar.

 Konfransda universitetin magistrantları Nəsibova Emiliya "Heydər Əliyev və ailə dəyərləri", Qaımova Cəmilə "Heydər Əliyev və Azərbaycan gəncliyi" və İslamzadə İlahə "Heydər Əliyev və Bakı Qızlar Universiteti" mövzularında maraqlı məruzələr təqdim etdilər.

   Tədbir tələbələr tərəfindən dahi liderin xatirəsinə hazırlanan ədəbi-bədii kompozisiyanın nümayişi ilə yekunlaşdı.