27-06-2026

Bakı Qızlar Universitetində pedaqoji təcrübə üzrə yekun təqdimatlar başa çatdı

25 iyun 2026-cı il tarixində Bakı Qızlar Universitetində pedaqoji təcrübə üzrə yekun qiymətləndirilmənin ikinci mərhələsi başa çatdı.

Təcrübə Komissiyası qarşısında keçirilən təqdimatlarda universitetin müxtəlif ixtisasları üzrə son kurs tələbələri pedaqoji təcrübə müddətində qazandıqları bilik və bacarıqları, təcrübə bazalarında əldə etdikləri peşə təcrübəsini təqdim etdilər. Tələbələr keçdikləri təcrübə müddətində tətbiq etdikləri təlim metodları, qarşılaşdıqları pedaqoji situasiyalar və əldə etdikləri nəticələr barədə ətraflı məlumat verdilər.

Təqdimatlar zamanı tələbələrin peşə hazırlığı səviyyəsi, praktik bacarıqları və pedaqoji fəaliyyətə yanaşmaları Təcrübə Komissiyası tərəfindən qiymətləndirildi.