27-04-2024

BQU-da “Xalqın estetik baxışları” mövzusunda ekskursiya təşkil edildi

       27 aprel 2024-cü il tarixində Bakı Qızlar Univeristetinin “Pedaqogika” kafedrasının baş müəllimi Kazımlı Fəridə tədris etdiyi “Etnopedaqogika” fənninin “Xalqın estetik baxışları” mövzusu ilə əlaqədar “İbtidai sinif müəllimliyi” ixtisası üzrə İ-21 qrupunun   tələbələri ilə birlikdə “Azərbaycan Milli  Xalça muzeyi” ni ziyarət etdilər.
       Bu  muzey  xalça ustalarının əməyinin dəyərini bilmək, həmçinin  bu ənənəni gələcək nəsillərə ötürmək məqsədi ilə fəaliyyət göstərir. Eyni zamanda xalça sənətinin texnologiyalarını və incəliklərini təsəvvür etməyə kömək etməklə yanaşı, Azərbaycanın zəngin mədəni irsinin bir hissəsi kimi onu qoruyaraq təbliğ edir.   
       Tələbələrin Xalça muzeyinə ziyarətinin əsas məqsədi Azərbaycan xalça sənətinin yaranma  tarixini, mədəniyyətini  öyrənmək və muzeyin kolleksiyaları ilə tanış olmaqdır.
  Qədim dövrlərdən bu günə qədər qorunub saxlanmış  milli  xalça nümunələri ilə tanış olan tələbələr xalçaların toxunma prosesini maraqla  izlədilər, milli tikmə,  bədii metal və geyim nümunələri ilə  bağlı  ətraflı  məlumat əldə etdilər. 
      Sonda tələbələr öz xoş  təəssüratlarını rəy dəftərində qeyd etdilər.