06-03-2024
Azərbaycan Xalq Cümhuriyyətinin (1918-1920) qurucu lideri, dövlət və ictimai xadimi Məhəmməd Əmin Rəsulzadənin vəfatından 69 il keçir. Bu münasibətlə Bakı Qızlar Universitetinin Filologiya-tarix fakültəsinin 240 saylı tam orta məktəbdə pedaqoji təcrübədə olan T1-20 qrupun tələbələri Quluzadə Aytac,Mədətova Nərmin,Qarayeva Sevinc , Məmmədova Zülalə ,Məmmədova Aytac M.Ə.Rəsulzadənin anım gününə həsr olunmuş tədbir keçirdilər.
Tədbir Azərbaycan Respublikasının Dövlət himni ilə başladı.
Tədbirdə BQU-nun Pedaqogika kafedrasının pedaqoqları Əlibala Zalov və Səidə Əliyeva, təcrübə rəhbəri Sədaqət Əliyeva , metodist Elmira Kənan, 240 saylı məktəbin xarici dil müəllimi Yaqut Məhərrəmova və başqaları, 8-ci sinif şagirdləri tədbirdə iştirak etdilər.
Dövlət himni səsləndirildikdən sonra söz pedaqoq Əlibala Zalova verildi. O, M.Ə.Rəsulzadə ilə yanaşı Azərbaycan tarixində mühüm rol oynamış ictimai-siyasi liderlərin - ulu öndər H.Əliyev və prezident İ.Əliyevin həyat və yaradıcılıqlarının indiki və gələcək nəsillərə ötürülməsinin vacib olduğunu vurğuladı.
Şagirdlərin tarixi hadisələr haqqında çıxışlarından sonra ana vətənə aid şeirlər səsləndirildi və kiçik səhnəcik nümayiş etdirildi. Sonda M.Ə.Rəsulzadənin həyat və fəaliyyətini əks etdirən kiçik videoçarx izlənildi.
