05-04-2025

“Gənc Tarixçilər" klubu Hacı Zeynalabdin Tağıyevin ev muzeyini ziyarət edib

04 aprel 2025-ci il tarixində Bakı Qızlar Universitetinin Tələbə Elmi Cəmiyyətinin nəzdində fəaliyyət göstərən "Gənc Tarixçilər" klubu növbəti maarifləndirici səfərini reallaşdırdı. Klubun üzvləri Azərbaycanın görkəmli şəxsiyyəti, tanınmış xeyriyyəçi və ictimai xadim Hacı Zeynalabdin Tağıyevin ev muzeyini ziyarət etdilər.

Ziyarət zamanı tələbələr muzeydə nümayiş etdirilən eksponatları maraqla izlədi, Hacı Zeynalabdin Tağıyevin zəngin həyat yolu, xeyriyyəçilik fəaliyyəti və xalqımız üçün göstərdiyi xidmətlər barədə ətraflı məlumat əldə etdilər.

Bu cür ekskursiyalar tələbələrin tarixə marağının artırılması, milli irsimizin təbliği və maarifləndirici işlərin genişləndirilməsi baxımından xüsusi əhəmiyyət daşıyır.