Haqqımızda Xəbərlər Elanlar Qalereya TV E-Kitabxana Məzunlar Əlaqə
Nəticə tapılmadı

05-04-2025

Bakı Qızlar Universitetinin tələbələri sınaq dərslərdə iştirak ediblər

Bakı Qızlar Universitetinin tələbələri sınaq  dərslərdə iştirak ediblər

04 aprel 2025-ci il tarixində Bakı Qızlar Universitetinin tələbələri bir sıra ümumtəhsil müəssisələrində təşkil olunan sınaq dərslərdə iştirak ediblər.

Universitetin metodisti Qətibə Mahmudova F1-21 qrupunun tələbəsi Baxşəliyeva Mehribanın Bakı şəhəri, Yasamal rayonu, 13 nömrəli tam orta məktəbin 5-ci sinfində keçirdiyi “Qafqaz səfəri” mövzusundakı sınaq dərsini dinləyib. Dərs zamanı şagirdlərin mövzuya marağını artırmaq məqsədilə müxtəlif interaktiv metodlardan istifadə olunub.

Elitar Gimnaziyada isə metodist Təranə Şükürlü “İbtidai sinif müəllimliyi” ixtisası üzrə təhsil alan tələbələrin sınaq  dərslərində iştirak edib. Dərslərin gedişi zamanı şagirdlər və tələbələr arasında fəal qarşılıqlı əlaqə müşahidə olunub.

Həmin gün “Filologiya-tarix” fakültəsinin tələbəsi Aslanova Həcər tərəfindən də Azərbaycan dili fənnindən sınaq dərs təşkil olunub. Dərs Bakı şəhərində yerləşən ümumtəhsil məktəbinin 7a sinfində keçirilib və “Neft daşları” mövzusuna həsr olunub. Açıq dərsdə fənn müəllimi Əliyeva İlhamə, metodist  dos.Yeganə Hacıyeva, pedaqoq, dos. Oqtay Səmədov başda olmaqla ,digər  tələbələr də iştirak ediblər.

Dərs müasir təlim metodlarına əsaslanaraq təşkil olunub. Şagirdlərin fəallığını artırmaq məqsədilə qruplarla iş və interaktiv fəaliyyətlərə geniş yer verilib.

Digər xəbərlər

Bütün xəbərlər