08-07-2024

BQU-nun Magistratura səviyyəsinə qəbul olan bakalavrların nəzərinə!

   Bakı Qızlar  Universitetinin magistratura səviyyəsinə qəbul olan bakalavrların nəzərinə!

Nəzərinizə çatdırırıq ki,  magistraturaya qəbul olmuş şəxslər 9-18 iyul 2024-cü il tarixlərində elektron qaydada qeydiyyatdan keçməlidirlər. Bunun üçün, Elm və Təhsil Nazirliyinin https://portal.edu.az/ platformasında “qeydiyyat” düyməsindən istifadə edərək şəxsi kabinet yaratmaq, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır. 

Aşağıdakı sənədlər təqdim edilməlidir:

• Diplomun və ona əlavənin notarial qaydada təsdiq olunmuş surəti (bakalavr təhsilini əvvəlki illərdə bitirənlər üçün) 
• Bakalavr dərəcəsi verilməsi haqqında  diplom və arayış (cari ilin məzunları üçün)
•  Ödənişli əsaslarla magistratura səviyyəsinə qəbul olunan şəxslər üçün təhsil haqqının ödənişi barədə  qəbzin surəti; 
• Şəxsiyyət vəsiqəsinin  2 ədəd surəti
• Ad və ya soyadın dəyişdirilməsini təsdiq edən sənəd (dəyişdirənlər üçün)
• 3x4 ölçüdə 4 ədəd rəngli şəkil

❗ 18 iyula qədər onlayn qeydiyyatdan keçməyən bakalavrlar ali təhsil müəssisəsinə qəbul olunmaqdan imtina etmiş hesab olunur.

Bakı Qızlar  Universitetinin magistratura səviyyəsinə qəbul olmuş bakalavrları təbrik edir, təhsilin növbəti pilləsində uğurlar arzulayırıq. 

Ünvan: Bakı şəh.,Möhsün Sənani 14, 3-cü mərtəbə,  otaq 305
Əlaqə telefonu: +994 55  955 92 56