02-06-2025

Bakı Qızlar Universitetində yaz imtahan sessiyası başladı

2 iyun 2025-ci il tarixində Bakı Qızlar Universitetində 2024/2025-ci tədris ilinin yaz imtahan sessiyası başladı. Sessiya müddətində bakalavriat və magistratura səviyyələri üzrə imtahanlar gündə iki növbədə — saat 10:00-dan 12:00-dək və 13:00-dan 15:00-dək keçirilir.

İmtahan prosesinə operativ nəzarətin təmin olunması, tələbələrin biliyinin qiymətləndirilməsində şəffaflıq və obyektivliyin qorunması məqsədilə universitetdə Operativ Qərargah və Apelyasiya Komissiyası fəaliyyət göstərir.

Yaz imtahan sessiyasının 5 iyul 2025-ci il tarixində başa çatması nəzərdə tutulur.

Qeyd edək ki, imtahanların keçirildiyi bütün auditoriyalar müvafiq texniki vasitələrlə təchiz edilib, nəzarətçi heyəti əvvəlcədən təlimatlandırılıb.

Mətbuat və ictimaiyyətlə əlaqələr şöbəsi