01-04-2025

Riyaziyyat kafedrasının müəllimləri tələbələrin pedaqoji təcrübəsini dəyərləndirirlər

Bakı Qızlar Universitetinin “Riyaziyyat” kafedrasının müəllimləri tələbələrin pedaqoji təcrübə prosesində mütəmadi olaraq iştirak edirlər. Kafedranın müdiri Aqil Xanməmmədov, dosentlər Çingiz Həmzəyev, Mehman Şahverdiyev, Elçin Məmmədov, Əhməd Məmmədov və müəllimlər Nurdan Ağayeva, Gül Aydın, Rəsmiyyə Namazova tələbələrin dərslərində iştirak edərək, onların fəaliyyətini izləyirlər.

Müəllimlər pedaqoji təcrübə müddətində tələbələrin keçirdiyi sınaq dərslərini təhlil edir, onlara metodik dəstək göstərirlər. Eyni zamanda, tədris prosesinin keyfiyyətini artırmaq üçün müxtəlif təkliflər irəli sürür və tələbələrin suallarını cavablandırırlar. Təcrübə müddətində qarşıya çıxan çətinliklərin həlli yollarını müzakirə edir, praktik biliklərin gücləndirilməsi üçün fərqli yanaşmalar təklif edirlər.

Kafedranın müəllimləri bu cür təcrübələrin tələbələrin gələcək peşə fəaliyyətinə mühüm təsir göstərdiyini vurğulayaraq, onların praktik bacarıqlarının inkişafına yönəlmiş bu kimi  təşəbbüslərin davam etdiyini bildirdilər.