19-04-2025

Elmi-praktiki konfransda universitetimizin əməkdaşı və tələbələri təltif olunublar

25 fevral 2025-ci il tarixində Bakı Biznes Universitetində Xocalı soyqırımının 33-cü ildönümünə həsr olunmuş “Konstitusiya və suverenlik – Azərbaycan Respublikasında vətəndaş cəmiyyəti quruculuğunun əsasıdır” mövzusunda elmi-praktiki konfrans keçirilmişdir.

Konfransda müxtəlif ali təhsil müəssisələrindən olan gənc tədqiqatçıların elmi məqalələri dinlənilmiş, müzakirələr aparılmışdır. Tədbirdə Bakı Qızlar Universitetinin “Tarix müəllimliyi” və “Azərbaycan dili və ədəbiyyat” müəllimliyi ixtisası üzrə təhsil alan tələbələri də fəal iştirak etmişlər.

Sonda konfransda  gənc tədqiqatçı və tələbələrə elmi rəhbərlik etdiyinə  görə  Bakı Qızlar Universitetinin “Tarix” kafedrasının  dosent Sübhan Talıblı və universitetimizin  5 tələbəsi fəal iştiraklarına görə sertifikatla təltif olunmuşdur.