18-05-2024
17 may 2024-cü il tarixində Bakı Qızlar Universiteti Dünya Gənc Türk Yazarlar Birliyinin Azərbaycan Respublikasının Mədəniyyət Nazirliyinin dəstəyi ilə gerçəkləşdirdiyi "Tanı, oxu, tanıt" ədəbiyyat könüllülüyünün təbliği layihəsi çərçivəsində növbəti bir tədbirə ev sahibliyi etdi.
Tədbiri giriş sözü ilə açan universitetin rektoru, prof. Sevinc Rəhimova qonaqları salamlayaraq insan mənəviyyatının inkişafında bədii sözün əhəmiyyətindən və ədəbi mühitin inkişafa müsbət təsirindən danışdı. Sonra DGTYB-nin fəaliyyəti ilə bağlı video-çarx nümayiş olundu.
Ardınca Milli Məclisin Mədəniyyət Komitəsinin eksperti, DGTYB Məsləhət Şurasının başqanı, şair- publisist Əkbər Qoşalı, Birliyin başqanı, şair-publisist İntiqam Yaşar, Birliyin idarə heyətinin üzvləri şair Elvin İntiqamoğlu, Yusif Nazim və başqan müavini, şair-publisist Ayşən Rəhim DGTYB-nin ədəbiyyat ilə əlaqədar layihələrindən danışaraq şeirlərindən səsləndirdilər. Daha sonra BQU TGT-nin bədii qiraət klubunun üzvləri müxtəlif şeirlər və mahnılar təqdim etdilər.
İştirakçılara DGTYB-nin nəşr etdirdiyi ədəbi toplular hədiyyə edildi .
Tədbir xüsusi fəallıq göstərən tələbələrə diplomların verilməsi və xatirə şəkillərinin çəkdirilməsi ilə başa çatdı.
