26-02-2024

Xocalı soyqırımının 32-ci ildönümünə həsr olunmuş anım günü ilə bağlı tədbir keçirilmişdir

26.02.2024-cü il tarixində Bakı Qızlar Universitetində Xocalı soyqırımının 32-ci ildönümünə həsr olunmuş anım günü ilə bağlı tədbir  keçirilmişdir. 
  Tədbirdə Azərbaycan Respublikasının Dövlət Himni səsləndirilmiş, sonra Xocalı soyqırımı qurbanlarının  və Azərbaycanın ərazi bütövlüyü uğrunda canlarından keçmiş  şəhidlərimizin  ruhu bir dəqiqəlik sükutla  yad edilmişdir.
Tədbiri  giriş sözü ilə açan universitetin rektoru prof. Sevinc Rəhimova  Xocalı faciəsinin baş verdiyi tarixi şərait, səbəbləri və nəticələri barədə çıxış edərək  bu soyqırımı törədənlərin əməllərini pisləmiş, bu qanlı tariximizi unutmayaraq, Azərbaycan xalqının verdiyi qurbanların xatirəsini əziz tutmağın vacibliyini vurğulamışdır. Universitetin tərbiyə işləri üzrə prorektoru Aygün Cəfərova  və başqaları çıxış edərək  bu faciənin bəşəriyyətə  qarşı yönəldilmiş  vandalism olduğunu, Xocalının yenidən qurulduğunu , prezidentin imzaladığı  “Böyük Qayıdış “ Dövlət Proqramının  tezliklə Xocalı şəhərini əhatə edəcəyini qeyd etmişlər. 
Sonra  yazıçı ssenarist  prof.Ağarəhim N. Rəhimovun  ssenarisi əsasında çəkilmiş “Qırmızı qar” filmi nümayiş etdirilmişdir. 
Tədbirdən sonra Bakı Qızlar Universitetinin tələbə və müəllim heyətinin Xocalı soyqırımı qurbanlarının xatirəsinə ucaldılmış "Ana harayı" adlı abidəninin ziyarəti təşkil olunmuşdur. 
Allah Xocalı şəhidlərinə rəhmət eləsin!