27-02-2024

BQU-da “Xocalı -Qan Yaddaşımız “ adlı dəyirmi masa keçirilmişdir

26 fevral  2024-cü il tarixində Bakı Qızlar Universiteti Tələbə Elmi Cəmiyyətinin təşkilatçılığı ilə keçirilən dəyirmi masada BQU-nun müəllim heyəti və tələbələri  iştirak etmişdir.  
Öncə  Dövlət Himni səsləndirildi, Xocalı  soyqırımı qurbanlarının əziz  xatirəsi bir dəqiqəlik sükutla yad edildi.
Giriş sözü ilə çıxış edən Bakı Qızlar Universitetinin “Tarix “ kafedrasının dosenti Vidadi Umudlu Xocalı faciəsinin unudulmayan bir faciə olduğunu, ermənilərin törətdikləri vəhşiliklərdən dərs almaq lazım olduğunu diqqətə çatdırdı. O,  44 günlük Vətən müharibəsində Xocalının qisasının alındığını, şəhidlərimizin qanının yerdə qalmadığını vurğuladı. 
“Tarix” kafedrasının müdiri, dosent Əzizağa Ələkbərli, həmin kafedranın baş müəllimi Səyalə İmanova  çıxış edərək faciənin xalqımızın yaddaşından silinməyəcəyini, hədəf olaraq  niyə  məhz Xocalının seçildiyini, bu şəhərin  Qarabağın ən qədim yaşayış məskəni olduğunu qeyd etdilər.
Çıxışlarda Ermənistanın Azərbaycana qarşı ərazi iddiaları və təcavüzkarlıq siyasəti pislənildi.
Sonra, dəyirmi masanın proqramına uyğun olaraq, tələbələr Xocalı Soyqırımı ilə bağlı  çıxışlar etdilər və faciənin ağrı-acısını əks etdirən şeirlər söylənildi.
Allah  şəhidlərimizə rəhmət eləsin!