26-01-2024

Türk Dünyası Qadın Araşdırmaları Jurnalının redaktoru BQU-nun qonağı olub

Xəbər verdiyimiz kimi, 27-30 yanvar 2024-cü il tarixində Bakı Qızlar Universiteti Türkiyənin İqtisadi İnkisaf  və Sosial Araşdırmalar İnstitutunun (İKSAD) birgə təşkilatçılığı ilə “ULUSLARARASI TÜRK VƏ DÜNYA KADIN ARAŞTIRMALARI KONQRESİ” adlı  konfrans keçirəcək.

Bu münasibətlə  Türk Dünyası Qadın Araşdırmaları Jurnalının redaktoru və Konqresin Təşkilat Komitəsinin sədri  Yıldız Saki və Türkiyə Başqırd cəmiyyətində ənənəvi qadın geyimləri üzrə müstəqil tədqiqatçı  Dr. Taner Gür Bakı Qızlar Universitetində olmuş, universitetin  təsisiçisi yazıçı, dramaturq  professor Ağarəhim Rəhimov, universitetin rektoru professor Sevinc Rəhimova və digər rəsmi heyəti ilə görüşdülər. 
Səmimi dostluq şəraitində keçən söhbət zamanı qonaqlar Azərbaycanda qızların təhsil almaları üçün yaradılan yüksək şərait və onlara göstərilən qayğıdan  danışdılar. Sonra Dr Yıldız  Saki Qazaxıstan Qızlar Universiteti və oradakı təhsil ocaqları  barədə ətraflı məlumat verib. Professor  Ağarəhim Rəhimov qadına verilən dəyəri, onun cəmiyyətdəki rolunu, təhsil hüququnun vacibliyini vurğulayaraq türk ölkələrinin universitetləri  arasındakı dostluq münasibətlərinin uzunmüddətli və ənənəvi olmasını arzuladı.
Sonra qonaqlar 28 yanvar tarixində keçiriləcək konfrans öncəsi hazırlıqlarla bağlı məsələləri müzakirə  etdilər.
 Qonaqlar universitetdə keçirilən müəllim və tələbələrin qadının cəmiyyətdəki  varlığını, Azərbaycanın  tarixini, özünəməxsus təbiətini, gözəlliyini özündə əks etdirən rəsm əsərlərinin sərgisində iştirak etdilər. Tələbələrin  tikmə və toxuma  sənətinə dair əl işləri maraqla qarşılandı.