Qərbi Azərbaycanın Qarakilsə rayonu Comərdli kəndində anadan olub. 1992-ci ildə Sumqayıt şəhəri 29 saylı məktəbi müvəfəqiyyətlə  başa vurmuşdur.  Elə həmin il Azərbaycan Dillər Universitetinin ingilis-fransız dilləri fakültəsinə daxil olub. 1997-ci ildə ADDU-nu bitirib. 1995-ci ildən əmək fəaliyyətinə Sumqayıt şəhəri 1 saylı liseydə  müəllim kimi işə  başlamışdır. Müxtəlif illərdə  ali tədris müəssisələrində  müəllim kimi fəaliyyət göstərmişdir.

Bakı Dövlət Universitetində “Ümumtəhsil kurikulumunun əsasları” kursunu fərqlənmə  sertifikatı ilə bitirmişdir.  Dövri mətbuatda məqalələri çap olunmuşdur. Bir neçə elmi məqalənin, iki proqramın və bir kitabın  müəllifidir. TKT, IELTS,  TESOL/ TEFL  və digər  beynəlxalq sertifikatlara sahibdir.

  Azərbaycan Maarifçilər Assosiyasının tamhüquqlu üzvudur.

   Bakı Qızlar Universitetinin “Mətbuat və ictimaiyyətlə əlaqələr”   üzrə şöbə rəhbəridir.

 2008-ci ildən  Bakı Qızlar Universitetinin  "Xarici Dillər" kafedrasında baş müəllim kimi fəaliyyət göstərir.